|
ՄԵՐ ՀԶՈՐՈՒԹՅՈՒՆԸ ՄԵՐ ՄԻԱՍՆՈՒԹՅԱՆ ՄԵՋ Է Հարգելի ՙԻրավունք՚, ես ցանկանում եմ շնորհակալություն հայտնել Ձեզ և բոլոր լրատվամիջոցներին, որոնք լուսաբանեցին ֆուտբոլի հավաքականի մրցելույթները: Այս օրերին ողջ հայությունը մի մարդու պես երկրպագում էր սիրելի թիմին, որոնցից յուրաքանչյուրն արժանի է գովասանքի: Հատուկ շնորհակալություն եմ հայտնում թիմի գլխավոր մարզիչ Վարդան Մինասյանին, ում անմիջական ջանքերի շնորհիվ ունեցանք այն թիմը, ինչը պատիվ է բերում: Իսկ այն, ինչ կատարվեց Իռլանդիա-Հայաստան խաղի ժամանակ, այն անարդար դատավարությունը, որը կատարեց խաղի գլխավոր մրցավարը, թողնում եմ վերջինիս խղճին: Ձեր թերթի միջոցով ցանկանում եմ ճշտել. արդյոք դատավարական սխալը, որը կատարվեց այդ խաղի ընթացքում, որն էական նշանակություն ունեցավ եւ ազդեց խաղի ելքի վրա, ինչպես նաև ծանր հետևանքներ առաջացրեց, քրեորեն պատժելի արարք չէ:
Սամվել, ք.Երևան. Հարգելի Սամվել Հայերի մասին հնչող այն կարծրատիպը, որ մենք, լինելով անհատականություններ, միասնական չենք, կամաց-կամաց հօդս է ցնդում: Ոմանց միգուցե թվում էր, որ դա պատահականություն է, սակայն Հայաստանի ֆուտբոլի հավաքականը ապացուցեց, որ հայերը ոչ միայն անհատականություններ են, որոնք որպես անհատներ` իրենց ուրույն խոսքն են ասում աշխարհին` ցանկացած ոլորտում, սակայն այլ երկրների համար, այլ նաեւ, ունենալով արդեն պետականություն, լինելով այդ պետության մասնիկն ու կրողը, իրենց խոսքն են ասում արդեն միասնաբար իրենց երկրում:
|